Azərbaycan Milli Elmlər Akademiyasının prezidenti, akademik Akif Əlizadənin 5 fevral 2019-cu il tarixli Sərəncamına əsasən, AMEA-nın gənc qadın alimləri üçün təşkil edilən "Gənc qadınlar elmdə" müsabiqəsinin nəticələri açıqlanıb.

Qeyd edək ki, akademiyada çalışan gənc qadınların elmin müxtəlif sahələrində apardıqları tədqiqatlarını və elmi nailiyyətlərini ön plana çəkərək onların elmi fəaliyyətini stimullaşdırmaq məqsədi ilə təşkil olun müsabiqədə iştirak üçün 69 gənc qadının namizədliyi irəli sürülüb və müsabiqənin yekun nəticələrinə görə, birinci yerə N.Tusi adına Şamaxı Astrofizika Rəsədxanasının böyük elmi işçisi, astronomiya üzrə fəlsəfə doktoru Həmayil Adıgözəlzadə layiq görülüb.

Əməkdaşımızı bu uğur münasibəti ilə təbrik edir, ona gələcək elmi fəaliyyətində uğurlar arzu edirik.

http://science.gov.az/news/open/10029

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.