Alimlər Yerdən təqribən 22 min işıq ili uzaqlıqda indiyədək müşahidə olunan ən güclü maqnit sahəsinə malik obyekt aşkar ediblər.
Belə ki, bu vaxtadək müşahidə edilmiş güclü maqnit sahəli GRO J1008-57 və 1A 0535+262 pulsarlarının maqnit sahəsi təxminən 1 milyard Tesladır, Swift J0243.6+6124 adlı pulsar isə 1,6 milyard Tesla maqnit sahəsi ilə bu rekordu üstələyib.
Müqayisə üçün qeyd edək ki, adi soyuducu maqnitinin maqnit sahəsinin induksiya vahidi təxminən 0,001 Tesladır. Daha güclü MRT maşınları təxminən 3 Teslaya çatır.
Qeyd edək ki, bir neçə il əvvəl mühəndislər eksperimentlərində 1200 Tesla maqnit sahəsi ala biliblər, lakin onlar bu sahəni 100 mikrosaniyədən çox saxlaya bilmədilər. Sözsüz ki, 1,6 milyard Tesla maqnit sahəsi yalnız çox kiçik həcmə kimi sıxılmış və elektronları çox yüksək sürətlərə qədər sürətlənə biləcək massiv obyektlərdə yaranır.
Swift J0243.6+6124 kimi pulsarların maqnit xassələrinin öyrənilməsi bu neytron ulduzların çox kompakt qabığının təbiətini izah edən müxtəlif modellərindən hansının doğru və ya yalnış olduğunu müəyyənləşdirməyə kömək edir. Xüsusilə, Swift J0243.6+6124 təbiəti pulsarın maqnit sahəsinin çoxlu qütblərdən ibarət mürəkkəb quruluşa malik olması ehtiimalını təsdiqləyir.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
