İyun ayının 13-də AMEA-nın prezident vəzifəsini icra edən, akademik Arif Həşimovun 2 iyun 2022-ci il tarixli 186 saylı sərəncamına uyğun olaraq, AMEA Fizika İnstutunda yaradılmış Dissertasiya Şurasında “Astrofizika” (249389) ixtisaslaşması üzrə 2020/2021-ci tədris ilində qəbul olmuş rəsədxana magistrinin magistrlik dissertasiyasının müdafiəsi keçirilib.

İclası Dissertasiya Şurasının sədri fizika üzrə elmlər doktoru, dosent Cəfərov Elçin açaraq tədbirin gündəliyi barədə iştirakçılara məlumat verib.

Müdafiədə Şamaxı Astrofizika Rəsədxanasının magistri İskəndərova Aytac “Volf-Raye tipli HD 191765 ulduzunun fotometrik dəyişkənliyi” mövzusu üzrə təqdimatla çıxış edib. 

Məruzənin yekununda mövzu ətrafında geniş müzakirələr aparılıb, suallar cavanlandırılıb. 

Rəsədxana magistrantının dissertasiya işinin müdafiəsi uğurla keçib və Dissertasiya Şurasının üzvləri tərəfindən yüksək ballarla qiymətləndirilib. 

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.