Tədbiri   elmi  şuranın   sədri,  AMEA-nın  müxbir   üzvü  Namiq  Cəlilov   açaraq,  gündəlikdə  duran   məsələlər  barədə  şura  üzvlərinə məlumat  verib.

İclasda ilk olaraq, ŞAR-ın elmi işçiləri olan Aynurə Abdulkərimovanın Çexiya Respublikasının Ondrejev Astronomiya İnstitutuna, Günay Hacıyevanın isə Estoniya Respublikasının Tartu Universitetinin nəzdindəki Tartu Rəsədxanasına ezamiyyəti ilə bağlı aidiyyati şəxslərin çıxışları dinlənilib və müvafiq qərarlar qəbul edilib.

Daha sonra rəsədxanada vakant şöbə müdiri vəzifələrinə seçkilər keçirilib və səsvermənin nəticələrinə uyğun olaraq f.r.f.d., dosent Bala Əli Rəcəbov "Nəzəri Astrofizika və kosmologiya" şöbəsinin, a.f.d., dosent Səbinə Məmmədova isə "Qoşa ulduzlar və eruptiv proseslər" şöbəsinin müdiri seçilib.

Sonda cari məsələlər müzakirə edilib.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.