02 noyabr 2017-ci il tarixində Azərbaycan Dövlət Pedaqoji Universitetinin Şamaxı filialının direktoru, filologiya üzrə fəlsəfə doktoru Tünzalə Yusifovanın rəhbərliyi ilə filialın professor-müəllim və tələbə heyəti AMEA N.Tusi adına Şamaxı Astrofizika Rəsədxanasında olub. Qonaqları Rəsədxananın elmi işlər üzrə direktor müavini, fizika üzrə fəlsəfə doktoru, dosent Xıdır Mikayılov qarşılayıb.
Alim qonaqlara Azərbaycanda astronomiyanın tarixi, rəsədxanadakı teleskoplar, teleskoplarda quraşdırılmış yeni müasir müşahidə avadanlıqları və rəsədxanada aparılan elmi-tədqiqat işləri barədə ətraflı məlumat verıb.
Sonra rəsədxananın aparıcı elmi işçisi, fizika üzrə fəlsəfə doktoru Ədalət Ətayi qonaqlar qarşısında “Günəş sistemi cisimlərinin tədqiqi” adlı geniş mühazirə ilə çıxış edib.
Mühazirə tədbir iştirakçıları tərəfindən maraqla qarşılanıb, suallar cavablandırılıb.
Sonda filologiya üzrə fəlsəfə doktoru Tünzalə Yusifova onlara yaradılan bu şəraitə və maraqlı mühazirəyə görə rəsədxana rəhbərliyinə öz təşəkkürünü bildirib.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
