Dekabr ayının 24-də AMEA N.Tusi adına Şamaxı Astrofizika Rəsədxanasında (ŞAR) Yeni Azərbaycan Partiyası (YAP) Yasamal rayon təşkilatı üzrə Hüseyn Cavid 115 ünvanında yerləşən ərazi partiya təşkilatının Zoom platforması üzərindən onlayn hesabat-seçki iclası keçirilib.
İclasda YAP Yasamal rayon təşkilatının sədri Bəxtiyar Nəbiyev, sədr müavini Elnarə Mustafayeva, eləcə də Şamaxı Astrofizika Rəsədxanasının ərazi partiya təşkilatı rəhbərliyi və nümayəndələri iştirak ediblər.
Tədbiri giriş sözü ilə açan Şamaxı Astrofizika Rəsədxanasının Baş direktoru, AMEA-nın müxbir üzvü Namiq Cəlilov sözə ümummilli lider Heydər Əliyevin ideyalarını uğurla davam etdirən Prezident İlham Əliyevin 60 illik yubiley təbriki ilə başlayıb. O, cənab Prezidentin keçdiyi şərəfli siyasi yoldan, Müzəffər Ali Baş Komandanın rəhbərliyi altında qazanılmış möhtəşəm Qarabağ Zəfərindən və müharibədən sonrakı periodda aparılan genişmiqyaslı yenidənqurma işlərindən, COVID-19 pandemiyası ilə mübarizə çərçivəsində görüşlən işlərdən, o cümlədən Azərbaycanın iqtisadi, siyasi, diplomatik sahələrdə qazandığı uğurlardan bəhs edib.
Daha sonra hesabat məruzəsi ilə çıxış edən ərazi partiya təşkilatının sədri Namiq Cəlilov hesabat ili ərzində partiya üzvlərinin aktiv fəaliyyətindən danışıb. Ərazi partiya təşkilatının bundan sonrakı fəaliyyətini də Yeni Azərbaycan Partiyasının sədri cənab İlham Əliyevin siyasi kursuna müvafiq təşkil edərək daha da inkişaf edəcəyinə əminliyini ifadə edib.
Tədbirdə YAP Yasamal rayon təşkilatının sədri Bəxtiyar Nəbiyev çıxış edərək hazırda AMEA-nın bütün institutlarında YAP ərazi təşkilatlarının fəaliyyət göstərdiyini və partiya üzvləri arasında ziyalıların xüsusi çəkiyə malik olduğunu diqqətə çatdırıb.
YAP Yasamal rayon təşkilatının sədri partiyanın Yasamal rayon təşkilatı üzrə Hüseyn Cavid 115 ünvanında yerləşən ərazi partiya təşkilatının yeni əsasnaməyə uyğun olaraq hesabat iclasında təşkilata sədr və sədr müavinin seçilməsinin qərara alındığını bildirib. Əlavə edib ki, əsasnaməyə müvafiq olaraq ərazi təşkilatının Qadınlar Şurası, Gənclər Birliyi və İdarə Heyəti fəaliyyətini dayandırır.
Daha sonra Yasamal rayon təşkilatı üzrə Hüseyn Cavid 115 ünvanında yerləşən ərazi partiya təşkilatının sədri vəzifəsinə seçkilər keçirilib. Səsvermənin nəticələrinə əsasən, Şamaxı Astrofizika Rəsədxanasının Baş direktoru, müxbir üzv Namiq Cəlilov yenidən ərazi partiya təşkilatının sədri, ŞAR-ın "İnformasiya təminatı və ictimaiyyətlə əlaqələr" şöbəsinin müdiri Orxan Salehli isə sədr müavini seçilib.
Sonda çıxış edən Namiq Cəlilov Yasamal rayon təşkilatı üzrə Hüseyn Cavid 115 ünvanında yerləşən ərazi partiya təşkilatının üzvlərinə dəstəyə görə təşəkkürünü bildirib, ona göstərilən etimadı doğruldacağını qeyd edib.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
