Noyabr ayının 19-da AMEA  N. Tusi adına Şamaxı Astrofizika Rəsədxanası (ŞAR) Gənc Alim və Mütəxəssislər Şurasının tərkibinin yenidən formalaşdırılmasına dair iclas keçirilib.

İclası ŞAR-ın icraçı direktoru, professor Nəriman İsmayılov açaraq müəssisədə şuranın yenidən formalaşdırılması zərurətinin yarandığını qeyd edib. O, müəssisənin gənc potensialının böyük olduğunu və onların fəaliyyəti üçün rəsədxana rəhbərliyi tərəfindən bütün lazımi imkanların yaradıldığını bildirib. ŞAR-ın gənc əməkdaşlarının aktiv fəaliyyət göstərərək yüksək səviyyəli konfrans və müsabiqələrdə yaxından iştirak etmələrinin, astronomiya elminin məktəblərdə və KİV-də geniş təbliğinin vacibliyini xüsusi olaraq vurğulayıb.

Daha sonra Elista Bayramova, Aysel Rüstəmova, Nərgiz Tağıyeva, Aynurə Həsənova, Arzu Orucova, Zümrüd Vidadi qızı, Aynur Abdulkərimova müəssisənin Gənc Alim və Mütəxəssislər Şurasının idarə heyətinin üzvü seçiliblər.

Sonda, səsvermə nəticəsində elmi işçi Aynurə Həsənova ŞAR-ın Gənc Alim və Mütəxəssislər Şurasının sədri, elmi işçi Nərgiz Tağıyeva sədr müavini, elmi işçi Aysel Rüstəmova isə şuranın katibi seçilib.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.