8 noyabr 2020-ci il tarixində AMEA N.Tusi adına Şamaxı Astrofizika Rəsədxanasında Zəfər Günü münasibətilə tədbir keçirilib.
Tədbiri rəsədxananın icraçı direktoru, professor Nəriman İsmayılov açaraq, cənab Prezidentimiz İlham Əliyevin rəhbərliyi altında bu günü tariximizin şanlı səhifələrinə Zəfər Günü kimi həkk edən rəşadətli ordumuzla yanaşı, bütövlükdə xalq olaraq birliyimizin bütün dünya ölkələri üçün vətənpərvərlik nümunəsi olmasından danışıb.
Daha sonra rəsədxana əməkdaşları da bu əlamətdar gün ilə bağlı fikirlərini bildirib. Çıxışlarda müharibədən sonrakı dövrdə işğaldan azad olunmuş torpaqlarımızın dirçəldilməsi və çiçəkləndirilməsi üçün həyata keçirilən çoxsaylı dövlət layihələrinin əhəmiyyəti qeyd olunub.
Tədbirin yekununda Şamaxı Rayonu Şəhidlər Xiyabanı ziyarət edilib, şəhidlərin məzarlarına çiçəklər qoyulub.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
