Əgər biz gecə səmasına diqqətlə baxsaq, orada bir həftə əvvəl görünməyən yeni bir obyekt - ulduz görmüş olarıq.
Bu bizdən 4566 işıq ili məsafədəki Ovsunçu bürcündə yerləşən RS Ovsunçu ulduzudur ki, həmin ulduzda partlayış olub. Ulduzun partlamamışdan əvvəl ulduz ölçüsü 12m olub, hal-hazırda isə onun ulduz ölçüsü 4.8m-dir və adi gözlə görünür.
Obyekt qırmızı nəhəng və ağ cırtdandan ibarət sıx qoşa sistemdən təşkil edilib. Maddə nəhəng ulduzdan akresiya diski boyunca cırtdan komponentin üzərinə axır və kifayət qədər maddə toplandıqdan sonra partlayış baş verir. Bu proses təxminən 15 ili əhatə edir.
Son partlayış 2006-cı ildə baş vermişdir. Növbəti partlayış isə 15 il sonra qrafik üzrə təkrarlandı. Bu haqda irlandiyalı həvəskar astronom Kit Giri 8 avqust 2021-ci ildə məlumat verib. Kosmik teleskop Fermi də bu faktı təsdiqləyib.
Gələcəkdə əgər cırtdan komponentin üzərinə tökülən maddə Çandrasekar həddini keçərsə, o zaman cırtdan ulduz neytron ulduzuna çevriləcək və sistem dağılacaq.
Hazırda isə hələ uzun zaman 15 ildən bir səmada RS Ovsunçunu adi gözlə müşahidə etmək mümkün olacaqdır.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
