AMEA N.Tusi adına Şamaxı Astrofizika Rəsədxanasının “Planetlər və kiçik səma cisimləri” şöbəsinin böyük elmi işçisi, fizika-riyaziyyat üzrə fəlsəfə doktoru Şaiq Nəbiyev ABŞ-ın Astronomiya İnstitutunun dəvəti və AMEA Rəyasət Heyətinin Qərarı ilə həmin institutda birgə elmi tədqiqat işləri aparmaq üçün elmi ezamiyyətdədir. Məqsəd müasir astronomiyanın ən aktual sahələrindən biri olan exoplanetlərin öyrənilməsi, Azərbaycanda bu elmi-tədqiqat sahəsinin inkişaf etdirilməsi və həyatın varlığı ehtimal olunan Yerəbənzər planetlərin axtarışıdır.

Qarşıya qoyulan hədəf tək nəzəri metodlarla deyil, eləcə də yüksək dəqiqlik tələb edən müşahidə materiallarının alınması ilə mümkündür. Şaiq Nəbiyev birgə elmi-tədqiqat işlərinin nəticələrini Astronomiya İnstitutunun əməkdaşlarına xüsusi seminar şəklində çatdırıb, iki məqaləsini Astronomiya səhəsində impakt faktorlu jurnallarda çap etdirib.  

Fizika-riyaziyyat üzrə fəlsəfə doktoru Şaiq Nəbiyevin ezamiyyəti davam edir.

Qeyd edək ki, Astronomiya İnstitutu ABŞ-ın bu sahədə ən nüfuzlu tədqiqat mərkəzlərindəndir və böyük optik teleskoplarla (Mauna Kea Observatories) təchiz edilib. 

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.