Kosmik hava durumu – Proqnoz dövründə Günəş fəallığı çox aşağı olmuşdur. 2833 (N25W27, Cao/beta) oblastı bu dövrdə cüzi parçalanmaya məruz qalsada, sakit olmuşdur. STEREO A COR2-də Yerə yönələn yeni CME (Coronal Mass Ejections - Tac kütlə atılması) müşahidə olunmamışdır. Yeni CME-lərin yaranacağı təqdirdə onlar koronoqrafda müvafiq şəklinin alınması ilə araşdırılacaqdır.  

Günəşdə alışmaların baş vermə ehtimalı M sinif üçün 1%-dən çox, X sinif üçün 1%, C sinif üçün 10% dən aşağıdır.

Yüklü zərrəciklər – Enerjisi 2 MeV-dən böyük olan elektron selinin 20/1740 UTC-də pik həddinə (4550 pfu) çatması müşahidə olunmuşdur.  Enerjisi 10 MeV-dən böyük olan proton seli fon səviyyəsində stabil olmuşdur.

Günəş küləyi – Hesabat dövründə ACE (Advanced Composition Explorer - Geniş müşahidə kompozisiyası – Günəşi və komik fəzanı tədqiq etmək məqsədi ilə Günəş-Yer sisteminin L1 nöqtəsində yerləşdirilən və DSCOVR kosmik aparatı buraxılana kimi əsas informasiya mənbəyi kimi istifadə olunan peyk) vasitəsi ilə aparılan ölçmələr Günəş küləyinin normal rejimdə olduğunu göstərir. Günəş küləyinin sürəti  350-450 km/san. intervalında olmaqla sabit qalmışdır. Ümumi maqnit sahəsi 3-5 nTl, Bz komponenti isə 0 nTl ətrafında dəyişmişdir. Phi bucağı mənfi istiqamətdə olmuşdur.

Geomaqnit sahə – Period ərzində geomaqnit sahə sabit olmuşdur. 

Kosmik hava proqnozu – Proqnoz dövründə (21-23 iyun) Günəş aktivliyinin çox aşağı olacağı gözlənilir.

Yüklü zərrəciklər – Enerjisi 2 MeV-dən böyük olan elektron selinin 21-23 iyun tarixlərdə yüksək səviyyədə olacağı, enerjisi 10 MeV-dən böyük olan proton selinin isə hesabat dövrü ərzində fon səviyyəsini saxlayacağı proqnozlaşdırılır.

Günəş küləyi – Günəş küləyinin parametrlərinin fon səviyyəsində qalacağı proqnozlaşdırılır.

Geomaqnit sahə – Geomaqnit sahənin sakit olacağı gözlənilir.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.