Kosmik hava durumu – Proqnoz dövründə Günəş fəallığı aşağı olmuşdur. 2827 (N12W72, Hsx/alpha) və 2829 (S18W04, Bxo/beta) oblastları müntəzəm olaraq dağılmışlar.  2830 (S72W59, Cao/beta) oblastı nisbətən dəyişmiş, digərlərinə nəzərən daha fəal olmuşdur. STEREO A COR2-də Yerə yönələn yeni CME (Coronal Mass Ejections - Tac kütlə atılması) müşahidə olunmamışdır. Yeni CME-lərin yaranacağı təqdirdə onlar koronoqrafda şəklinin alınması ilə araşdırılacaqdır.  

Günəşdə alışmaların baş vermə ehtimalı M sinif üçün 1%-dən çox, X sinif üçün 1%, C sinif üçün 20% dən yuxarıdır.

Yüklü zərrəciklər – Enerjisi 2 MeVdən böyük olan elektron seli normal və aşağı səviyyədə olmuşdur. Enerjisi 10 MeV-dən böyük olan proton seli isə hesabat dövrü ərzində fon səviyyəsində qalmışdır.

Günəş küləyi – Hesabat dövründə DSCOVR kosmik apparatı vasitəsi ilə aparılan ölçmələr normal şərait qeydə almışdır. 6 iyun tarixində Günəş küləyinin sürəti 345 km/san, ümumi maqnit sahəsi 4-6 nTl olmuş, Bz komponentində isə əhəmiyyətli dəyişmə müşahidə olunmamışdır. Hazırda Günəş küləyinin orta sürəti 325 km/san.-dir. Phi bucağı müsbət istiqamətdə olmuşdur.

Geomaqnit sahə – Geomaqnit sahə son sutka ərzində sabit olmuşdur (Kp=1-2).

Kosmik hava proqnozu – Proqnoz dövründə (7-9 iyun) Günəş aktivliyi aşağı olacaq. 7-8 iyun üçün C sinfinə aid alışmaların çox da böyük olmayan ehtimalı vardır. 

Yüklü zərrəciklər – Proqnoz dövründə enerjisi 2 MeV-dən böyük olan elektron selinin aşağı səviyyədə qalacağı, enerjisi 10 MeV-dən böyük olan proton selinin isə fon səviyyəsindən aşağı olacağı gözlənilir.

Günəş küləyi – Günəş küləyinin parametrlərinin normal olacağı gözlənilir. CH HSS (Coronal hole High Speed Stream – Tac dəliyi yüksək sürətli axınlar) mənfi qütbünin təsiri nəticəsində küləyin sürətinin və ümumi intensivliyin artacağı gözlənilir.

Geomaqnit sahə – Proqnoz dövründə geomaqnit sahə 7 iyun tarixində sakit olacaq. CH HSS mənfi qütbünin təsiri nəticəsində 8 iyun tarixində Kp=4 olacağı və G1 (minor) qasırğası ehtimal olunur. Tac dəliyindən yüksək sürətli axınlar hesabına 9 iyun tarixində qeyri sabit şərait gözlənilir (Kp=3).

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.