Kosmik hava durumu – Günəş fəallığı çox aşağı səviyyədə olmuşdur. CME (Coronal Mass Ejections- Tac kütlə atılması) və əlaqədar yaranan II tip radioşüalanma (523 km/san) 02/1200 UTC SOHO/LASCO C2-nin şəkilləri üzrə şərq limbdə müşahidə olunmuşdur. Bu CME şərq limbindən dərhal sonra baş vermiş və Yerə tərəf yönəlməmişdir. Günəşdə olan ləkələrin sayı 35-dən 11-ə enmişdir.

Yüklü zərrəciklər – 2 MeV-dən çox enerjili elektron seli hesabat dövrü ərzində normal səviyyədən aşağı olmuşdur. 10 MeV-dən böyük enerjili proton seli hesabat dövrü ərzində fon səviyyəsində qalmışdır.

Günəş küləyi – Hesabat dövründə Günəş küləyi üçün sakit şərait hökm sürür. Zəif CME effektləri nəticəsində Günəş küləyi parametrləri normal qiymətlər almışdır. Günəş küləyinin orta sürəti 310 km/san. ilə 381 km/san. intervalında dəyişmişdir.

Geomaqnit sahə – Geomaqnit sahə son sutka ərzində sakit və az dəyişən olmuşdur. (Kp=1-3). Maqnit sahəsi 4 nTl-dan 10 nTl-a qədər, Bz isə 8-nTl-dan -6 nTl-dək dəyişmişdir. 

Kosmik hava proqnozu – Proqnoz dövründə (3-5 may) Günəş fəallığı aşağı səviyyədə olacaq.

Yüklü zərrəciklər – 2 MeV-dən böyük enerjili elektron selinin proqnoz dövründə (3-5 may) CH HSS-in (Coronal Hole High Speed Streama - Tac dəliyindən çıxan yüksək sürətli axınlar) təsiri ilə normal səviyyədən daha aşağı səviyyədə olacağı proqnozlaşdırılır. 10 MeV-dən böyük enerjili proton selinin proqnoz dövründə fon səviyyəsində olacağı gözlənilir.

Günəş küləyi – Günəş küləyi parametrləri CH HSS (Coronal Hole High Speed Streama-Tac dəliyindən çıxan yüksək sürətli axınlar) nəticəsində normallaşacaq. Günəş küləyinin sürəti 450-550 km/san. intervalında olacaqdır. 

Geomaqnit sahə - Geomaqnit sahədə 3-4 may tarixlərində aktiv səviyyəyə qədər artacaq olan tənzim olunmayan dəyişkənlik, 5 may tarixində CH HSS (Coronal Hole High Speed Streama-Tac dəliyindən çıxan yüksək sürətli axınlar) aktivliyi nəticəsində sakit və ya qeyristabil şərait yaranacaqdır. Proqnoz dövründə geomaqnt sahədə ümumən sakit (Kp=2-4) davam edəcəkdir. Maqnit qasırğasının yaranma ehtimalı 3-5 may tarixlərində 10%-dək qiymətləndirilir. Geomaqnit indekslər Afr/Ap-005/005, 006/006 kimi olacaqdır.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.