Kosmik hava durumu – Günəş fəallığı aşağı səviyyədə olmuşdur. Günəş diskində meydana gələn 2818 (koord-S17W27, HSX-1, alfa), 2820 (koord-S21W32, ESİ-11, beta), 2821 (koord-S23W43, DAİ-5, beta) ləkələri hesabat dövrü ərzində stabil qalmışdır. 29 aprel/0030-UTS-də STEREO-A kosmik gəmisindən alınan görüntülər görünən üç ləkədən başqa yeni ləkələri müşahidə etməmişdir.
Koronoqraf görüntüləri bəs qədər olmadığından Yerə doğru yönələn CME (Coronal Mass Ejections- Tac kütlə atılması) barədə fikir söyləmək çətindir.
25 aprel 2021-ci il tarixdə müşahidə olunmuş maqnit qasırğası Kp=5 səviyyəsindən hazırda Kp=2 səviyyəsinə enmişdir. Günəşdə alışmaların baş vermə ehtimalı: M sinif üçün 5%, X sinif üçün 1%, C sinif üçün 50% dən aşağıdır.
Yüklü zərrəciklər – 2 MeV-dən çox enerjili elektron seli hesabat dövrü ərzində normal səviyyədə olmuşdur. 10 MeV-dən böyük enerjili proton seli də hesabat dövrü ərzində fon səviyyəsində qalmışdır.
Günəş küləyi – Hesabat dövründə Günəş küləyi üçün sakit şərait hökm sürür. Günəş küləyinin orta sürəti nisbətən artmış, sonradan sutka ərzində 540 km/san.dən 420-440 km/san. enmişdir.
Geomaqnit sahə – geomaqnit sahə son sutka ərzində sakitdir (Kp=2). Maqnit sahəsi 5nTl, Bz isə -5nTl olmuşdur.
Kosmik hava proqnozu – Proqnoz dövründə (29.04.21-01.05.21) Günəş fəallığı aşağı səviyyədə olacaq. Günəşdə alışmaların baş vermə ehtimalı: M sinif üçün 1%, X sinif üçün 1% -dən aşağıdır.
Yüklü zərrəciklər – 2 MeV-dən böyük enerjili elektron selinin proqnoz dövründə (29.04.21-01.05.21) aşağı və ya normal səviyyədə qalacağı proqnozlaşdırılır. 10 MeV-dən böyük enerjili proton selinin proqnoz dövründə fon səviyyəsində olacağı gözlənilir.
Günəş küləyi – Proqnoz dövründə CH HSS (Coronal Hole High Speed Streama-Tac dəliyindən çıxan yüksək sürətli axınlar) bitdiyinə görə Günəş küləyi parametrləri fon səviyyəsinə qədər azalmışdır.
Geomaqnit sahə – Proqnoz dövründə geomaqnit sahədə ümumən sakitlik (Kp=1,5-2,5) davam etsə də, sonrakı günlərdə az fəal şərait, zəif həyacanlanma yaradacaq dayanıqsızlıq meydana gələ bilər. Maqnit qasırğasının yaranma ehtimalı 29 aprel tarixində 1%-dək, 30 aprel və 01 may tarixində 10-12%-dək qiymətləndirilir. Geomaqnit indekslər Afr/Ap-005/005, 008/008 kimi olacaqdır.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
