Azərbaycan Milli Elmlər Akademiyası N.Tusi adına Şamaxı Astrofizika Rəsədxanasında (ŞAR) AMEA Prezidentinin 24 dekabr 2020-ci il tarixli 469 №-li “AMEA-nın magistrantları üçün qış imtahan sessiyasının keçirilməsi haqqında” sərəncamına əsasən magistrantların 2020/2021-ci tədris ili üzrə qış imtahan sessiyası keçirilir.
Rəsədxanada “Astrofizika” ixtisası üzrə I kursda təhsil alan 1 magistrant “Göy mexanikası” və “Ümumi astronomiya kursu”; II kursda təhsil alan 3 magistrant isə “Relyativistik astrofizika” və “Planetlər fizikası” fənləri üzrə sessiya imtahanlarında iştirak ediblər. 
Qeyd edək ki, qış imtahan sessiyası fevral ayının 2-dək davam edəcək. COVİD 19 pandemiyası ilə əlaqədar ölkə ərazisində tətbiq olunan karantin rejimi nəzərə alınaraq imtahanlar onlayn şəkildə "Zoom" platforması üzərindən keçirilir.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.