AMEA N.Tusi adına Şamaxı Astrofizika Rəsədxanasının (ŞAR) direktoru, müxbir üzv Namiq Cəlilov ŞAR-ın II kurs magistrantları ilə görüşüb.
Görüşdə ŞAR-ın elmi işlər üzrə direktor müavini, f.f.d Xıdır Mikayılov, "Təhsil şöbəsi"nin müdiri Paşa Əhmədov və magistrantların elmi rəhbərləri də iştirak ediblər.

Namiq Cəlilov gənclərə astrofizika elminin əhəmiyyətindən və ŞAR alimlərinin indiyədək qazandığı böyük elmi nailiyyətlərdən danışıb. O, bildirib ki, elmimizin gələcəyi olan magistrantlardan dərin biliyə yiyələnmək, faydalı təcrübə qazanmaq tələb edilir və bunun üçün ŞAR-da hər cür texniki imkan, iş şəraiti və ədəbiyyat mövcuddur.

Görüşdə elmi rəhbərlər - f.r.ü.f.d Ədalət Ətayi və f.r.ü.f.d Nazim Hüseynov magistrantların elmi işinin gedişatı ilə bağlı ətraflı məlumat verib. Mövzular ətrafında geniş müzakirələr aparılıb və magistrantlara zəruri məsləhətlər verilib.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.