AMEA N.Tusi adına Şamaxı Astrofizika Rəsədxanası Ermənistan-Azərbaycan Dağlıq Qarabağ münaqişəsi  ilə bağlı həqiqətlərin dünya elm ictimaiyyətinə çatdırılması üçün bütün beynəlxalq əlaqələrini səfərbər edərək təbliğat aparır. Bu günədək 200-dən çox Beynəlxalq təşkilata, 700-dən çox xarici elmi əməkdaşlara rəsmi mail ünvanlanaraq, münaqişənin real aspektləri onların diqqətinə çatdırılıb və bu gün də bu istiqamətdə təbliğat davam etdirilir.

Qeyd edək 27 sentyabr 2020-ci il tarixində işğalçı Ermənistan Respublikasının silahlı qüvvələri cəbhəboyu ərazilərdə məskunlaşan mülki əhalini və infrastrukturu artilleriya atəşinə tutaraq yeni təxribata cəhd göstərib. Buna cavab olaraq isə şanlı Azərbaycan ordusu tarixi Azərbaycan torpaqlarının işğaldan azad edilməsi uğrunda əkhücum əməliyyatlarına başlayıb. Uğurlu əməliyyatların nəticəsi olaraq 1 şəhər, 43 kənd və bir sıra strateji əhəmiyyətli yüksəkliklər düşmən işğalından azad edilib.

"Dənizdən dənizə böyük Ermənistan" xülyası ilə hətta öz xalqını belə uydurulmuş yalanlara inandıran Ermənistan hərbi-siyasi rəhbərliyi hər zaman olduğu kimi bu gün də ictimai rəyi dəyişmək üçün sosial şəbəkələr üzərindən dezinformasiyalar yaymağa çalışır. Lakin biz reallıqları dünya ictimaiyyətinə çatdırdığımız müddətcə düşmən döyüş meydanında olduğu kimi informasiya mübarizəsində də məğlubiyyətə məhkum olacaqdır.

Şamaxı Asrofizika Rəsədxanası olaraq vətəndaş məsuliyyətini dərk edən bütün soydaşlarımızı bu istiqamətdə fəal olmağa çağırırıq.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.