7-11 avqust 2017-ci il tarixlərində AMEA Şamaxı Astrofizika Rəsədxanasının “Kosmik plazma və Heliogeofiziki  problemlər” şöbəsinin elmi işçisi Famil Mustafa Tailand krallığında UNESCO-nun himayəsi altında, Astronomiya üzrə Beynəlxalq Təlim Mərkəzinin və Tailand Milli Astronomiya Tədqiqat İnstitutunun təşkilatçılığı ilə keçirilmiş “Astronomy for stem education” adlı beynəlxalq təlimdə iştirak edib.

Tailand krallığının təhsil nazirinin, UNESCO-nun Tailand krallığındakı nümayəndəsinin, Beynənxalq Astronomiya İttifaqının prezidenti xanım Silvia Torres-Peimbertin və dünyanın müxtəlif ölkələrindən gəlmiş 100-dən çox iştirakçının qatıldığı tədbirdə astronomiya üzrə tanınmış mütəxəssislər tərəfindən məktəblərdə və universitetlərdə astronomiyanın təbliği və tədris medotları barədə məlumatlar dinlənilib.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir