Azərbaycan Astronomiya Jurnalının son illərdəki buraxılışlarının elektron nüsxələri SAO/NASA Astrofizika Məlumat Sisteminə (ADS) yerləşdirilib.

AMEA N.Tusi adına Şamaxı Astrofizika Rəsədxanası (ŞAR) alimlərinin elmi məqalələri hər il dövri olaraq Azərbaycan Astronomiya Jurnalında çap edilir ki, 2013-cü ildən etibarən də jurnaldakı məqalələrin elektron nüsxələri ADS-ə yüklənərək arxivləşdirilir.

Qeyd edək ki, SAO/NASA Astrofizika Məlumat Sistemi (ADS), NASA qrantı altında Harvard elmi mərkəzinin nəzdindəki Smitson Astrofizika Rəsədxanası (SAO) tərəfindən idarə olunan astronomiya və fizika tədqiqatçıları üçün rəqəmsal kitabxana portalıdır. Bu məlumat bazası Astronomiya, Astrofizika və Fizika arxiv elektron nəşrlərini əhatə edən 13 milyondan çox qeydlərdən ibarət üç biblioqrafik məlumat bazasına malikdir.

Buradakı keçiddən istifadə edərək, rəsədxananın portaldakı elmi məqalələrinin elektron versiyasını əldə edə bilərsiniz.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.