AMEA N.Tusi adına Şamaxı Astrofizika Rəsədxanası (ŞAR) Azərbaycan Respublikasının Prezidenti İlham Əliyevin “Azərbaycan Respublikasında əhalinin sağlamlığının qorunması və koronavirus infeksiyasına qarşı mübarizənin gücləndirilməsi ilə bağlı tədbirlər haqqında” 2020-ci il 19 mart tarixli Fərmanına əsasən yaradılan Koronavirusla Mübarizəyə Dəstək Fonduna ianə edib.

Rəsədxananın direktoru, AMEA-nın müxbir üzvü Namiq Cəlilov, ŞAR əməkdaşlarının könüllü müraciətlərini nəzərə alaraq, əməkhaqqıların müəyyən hissəsinin Koronavirusla Mübarizəyə Dəstək Fonduna köçürülməsi ilə bağlı əmr imzalayıb.

Qeyd edək ki, Rəsədxana əməkdaşları koronavirusla mübarizə ilə bağlı Nazirlər Kabinetinin qərar və tövsiyələrinə ciddi riayət edir və xalqımızı bu mövzuda həmrəy olmağa çağırır.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.