AMEA N.Tusi adına Şamaxı Astrofizika Rəsədxanasının (ŞAR) “İKT və təşkilat“ şöbəsinin müdiri, f-r.ü.f.d Kamal Hüseynov 2020-ci ilin 20-23 fevral tarixlərində Rusiya Federasiyasının Moskva şəhərində elmi ezamiyyətdə olub.

Ezamiyyətin məqsədi Şamaxı Astrofizika Rəsədxanası ilə Rusiya Elmlər Akademiyasının Yer Fizikası İnstitutunun birgə əməkdaşlığı çərçivəsində bir sıra elmi məsələlərin həlli yollarının müzakirəsi olub.

Kamal Hüseynov, Yer Fizikası institutunun alimi – f-r.ü.f.d, dosent Andrey Makalkinlə aşağıda qeyd olunan məsələlərlə bağlı müzakirələr aparıb:

1. Toz qatılaşmalarının bərk cisimlərə çevrilməsinə qədər yaşama vaxtı (sıxlıqları 0,1 ÷ 1 qr/sm³);

2. Transneptun oblastında (R ≥30 a.v.) toz qatında (subdiskdə) qravitasiya dayanıqsızlığının mümkünlüyü və ona nail olma şərtləri;

3. Ölçülərinə görə bimodal paylama üçün qravitasiya dayanıqsızlığının inkişafı (iki ölçülü hissəciklər var – böyük və kiçik);

4. Toz hissəcikləri aqreqatlarının akkresiyasının (toz hissəciklərinin düşməsinin) qatılaşma və planetazimalların boy atmasına (böyüməsinə) və təkəmülünə təsiri;

5. Transneptun oblastında (R≥30 a.v.) onların radial dreyfləri nəzərə alınmaqla ölçüləri 1÷10 sm olan toz aqreqatlarından 2 ÷6 metrlik cisimlərin əmələ gəlməsinin mümkünlüyü.

Müzakirələrin yekununda transneptun oblastında kollektiv dayanıqsızlığa (qravitasiya + axın + sürüşmə dayanıqsızlıqları) baxmaq lazımdır.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.