Yanvarın 30-da, AMEA N.Tusi adına Şamaxı Astrofizika Rəsədxanasının Gənc Alim və Mütəxəssislər Şurasının növbəti astroseminarı keçirilib.
Seminara rəhbərlik edən Əminə Hümbətova seminarı giriş sözü ilə açaraq, tədbir iştirakçılarına məruzənin mövzusu haqqında məlumat verib.
Daha sonra Şamaxı Astrofizika Rəsədxanasının elmi işçisi Ülviyyə Bəşirova "Ae/Be Herbiq tipli HD197218 ulduzunda spektral dəyişkənliklər" mövzusunda məruzə ilə çıxış edib.
Ülviyyə Bəşirova 2015-ci ildə HD179218 ulduzunun ŞAR-ın 2m-lik teleskopunda əldə olunmuş spektrlərinin işlənilməsi və bu spektrlərdən çıxan nəticələr barədə seminar iştirakçılarını məlumatlandırıb. O bildirib ki, Hα xəttinin spectral parametrləri (RV, EW və I) 10, 20 və 90 günlük xarakterik vaxtla dəyişmə göstərir. Bu, Krım rəsədxanasında Kozlova tərəfindən aşkar edilmiş 10 günlük xarakterik vaxtla dəyişmələrin olmağını təsdiq etsə də, belə xarakterik vaxtların stabil qalmadığını göstərir.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
