Noyabrın 13-də, AMEA N.Tusi adına Şamaxı Astrofizika Rəsədxanasında növbəti astroseminar keçirilib.

Seminarın rəhbəri, f-r.ü.f.d Bayram Rüstəmov seminarı giriş sözü ilə açaraq, tədbir iştirakçılarına məruzənin mövzusu haqqında məlumat verib.

Sonra rəsədxananın “İKT və Təşkilat” şöbəsinin müdiri, f-r.ü.f.d Kamal Hüseynov "Böyük partlayış: Hissəciklər və qüvvələr" mövzusunda icmal məruzəsini təqdim edib.

Məruzəçi qeyd edib ki, Kainat təxminən 13.8 milyard il bundan öncə hər hansı bir sinqulyar vəziyyətdən yaranmış və o zamandan fasiləsiz olaraq genişlənir və soyuyur. Genişlənmə və soyuma nəticəsində Kainatda mayenin qazdan əmələgəlməsinə analoji olan, lakin elementar hissəciklərə tətbiq edilən faza keçidləri baş vermişdir. O, qeyd edib ki, böyük partlayışdan sonra 10^-43 san. qədər zaman periodunda Kainatın sinqulyarlıqdan yaranması prosesi baş vermişdir. Belə hesab olunur ki, həmin zaman Kainatın temperaturu və sıxlığı Plank qiymətlərinə yaxın olmuşdur.

Seminar iştirakçıları tərəfindən maraqla qarşılanan məruzənin yekununda mövzu ətrafında geniş müzakirələr aparılıb və suallar cavablandırılıb.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.