Noyabrın 31-də AMEA N.Tusi adına Şamaxı Astrofizika Rəsədxanasında (ŞAR) növbəti astroseminar keçirildi.

Seminara rəhbərlik edən f.-r.ü.f.d Bayram Rüstəmov seminarı giriş sözü ilə açaraq, tədbir iştirakçılarına məruzənin mövzusu haqqında məlumat verdi.

Sonra rəsədxananın “Kosmik plazma və Heliogeofiziki problemlər” şöbəsinin elmi işçisi, f.-r.ü.f.d, dosent Mirnamik Bəşirov "Anizatrop günəş küləyi üçün maqnithidrodinamik köçürmə tənliklərinin həllinin bəzi problemləri haqqında" mövzusunda məruzəsini seminar iştirakçılarına təqdim etdi.

Mirnamik Bəşirov Günəş küləyinin xassələrinin öyrənilməsinin qlobal əhəmiyyətini vurğulayaraq, onun Yerin maqnit sahəsi ilə qarşılıqlı təsiri nəticəsində yaranan problemlərdən bəhs etdi. O qeyd etdi ki, Günəş küləyini xarakterizə edən fiziki kəmiyyətlərin ən sadə hal üçün belə qlobal həllinin tapılması nəzəri asrtofizikanın bir çox problemlərini həll etməyə imkan verəcəkdir.

Daha sonra ŞAR-ın direktoru, AMEA-nın müxbir üzvü Namiq Cəlilov çıxış edərək məsələnin digər aspektlərini seminar iştirakçıları üçün izah etdi.

Seminar iştirakçıları tərəfindən maraqla qarşılanan məruzənin sonunda mövzu ətrafında geniş müzakirələr aparıldı, suallar cavablandırıldı.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.