2019-cu tədris ili üçün Mülki müdafiə tədbirlər planına əsasən AMEA Şamaxı Astrofizika Rəsədxanasında (ŞAR) Mülki müdafiə qüvvələrinin xəbərdarlıq və toplanış məşqi keçirilib.
Məşqin keçirilməsində məqsəd xəbərdarlıq sisteminin vəziyyətinin yoxlanılması və mülki müdafiə qüvvələrinin şəxsi heyətinə xəbərdarlıq və toplanış üzrə vərdişlərin aşılanması olub.
Hazırlıq mərhələsində məşqin təşkili və keçirilməsi haqqında N.Tusi adına AMEA Şamaxı Astrofizika Rəsədxanası direktorunun əmri verilmiş, məşqin keçirilmə planı tərtib olunmuş, Mülki müdafiə qüvvələrinin şəxsi heyətinin xəbərdarlıq sxemi dəqiqləşdirilmiş, rabitə vasitələrinin vəziyyətinə baxış keçirilmiş və məşqin keçirilməsi ilə bağlı digər təşkilati tədbirlər görülmüşdür. Məşq iştirakçıları ilə metodiki toplantı keçirilmişdir.
Məşq 27 sentyabr 2019-cu il, saat 10.00-da məşq rəhbərinin Mülki müdafiə qüvvələrinin “toplanması” barədə göstərişi ilə başlanıb, MM qüvvələrinin şəxsi heyəti tam tərkibdə və vaxtında təyin olunmuş yerə toplanıb. Mülki müdafiə qüvvələrinin şəxsi heyətlə komplektləşdirilməsi, tabel əmlakı ilə təchizatı, qoyulmuş tapşırıqlar üzrə nəzəri bilikləri yoxlanılıb. Məşq rəhbərinin saat 12.00-da xəbərdarlıq və toplanış məşqinin başa çatması barəsində göstərişindən sonra məşq başa çatıb. Sonra məşqin nəticələri təhlil olunub. ŞAR direktorunun elmi işlər üzrə müavini, Fövqəladə Halllar Komissiyasının sədri Xıdır Mikayılov Aşkar olunmuş nöqsanların aradan qaldırılması barədə müvafiq göstərişlər və tövsiyyələr verib.
Məşq zamanı qarşıya qoyulmuş məqsədə əsasən nail olunmuşdur.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
