Kosmik hava durumu - Günəş aktivliyi çox aşağı səviyyədə olmuşdur. Günəş diskində ləkə yoxdur. 22 sentyabr/08.30 UTC-dən etibarən çəkilən SDO / AIA 304 görüntülərində mərkəzi N30E33 oblastına yaxın olmaqla 10 dərəcəni əhatə edən filament (sap) püskürməsi qeydə alınmışdır. Peyk görüntülərində Yerə doğru yönələn CME (Coronal Mass Ejections – Tac Kütlə Atılmaları) müşahidə olunmamışdır.

2 MeV-dən çox enerjili elektron seli və 10 MeV-dən çox enerjili proton seli bütün hesabat dövrü ərzində fon səviyyəsində stabil qalmışdır.

Günəş küləyi parametrləri normal külək rejiminin üstünlük təşkil etməsini göstərir. Küləyin sürəti 317 – 372 km/san, ümumi maqnit sahəsi 3 – 6 nT, onun B_z komponenti isə + 5 / -2 nT intervallarında qiymət almışdır. Phi bucağı 22 sentyabr/14.52 UTC-dən etibarən mənfi sektorda qərarlaşmışdır.

Geomaqnit sahədə son 24 saat ərzində çox sakit olmuşdur. 

Kosmik hava proqnozu - Günəş aktivliyinin növbəti üç gün ərzində (23-25 sentyabr) çox aşağı səviyyədə davam edəcəyi gözlənilir.

2 MeV-dən çox enerjili elektron selinin proqnoz dövründə (23-25 sentyabr) normal səviyyədən orta səviyyəyə qalxacağı gözlənilir. 10 MeV-dən çox enerjili proton selinin proqnoz dövründə (23-25 sentyabr) fon səviyyələrində davam etməsi gözlənilir.

Proqnoz dövrünün birinci günü (23 sentyabr) Günəş küləyi parametrlərinin mənfi qütblülüyə malik CH HSS (Coronal Hole High Speed Streams – Tac dəliyindən çıxan yüksək sürətli axınlar) effektinin təsiri ilə güclənəcəyi, ikinci gün (24 sentyabr) parametrlərin qiymətlərində artmanın davam edəcəyi proqnozlaşdırılır. STEREO A MAG & PLASTIC məlumatları əsasında küləyin sürətinin 450 – 550 km/san-yə kimi qalxacağı gözlənilir. 25 sentyabrda 19 sentyabr/22.00 UTC-də qeydə alınan CME-nin sürüşən zərbə dalğası hesabına parametrlərin bir qədər də güclənəcəyi gözlənilir.

Proqnoz dövründə ilk iki gün (23 – 24 sentyabr) geomaqnit sahə üçün ümumən sakit şəraitin hökm sürəcəyi proqnozlaşdırılır (Kp=2, 3). Üçüncü gün isə (25 sentyabr) CME-nin sürüşən zərbə dalğası hesabına nisbətən fəal şərait müşahidə oluna bilər (Kp=4). Maqnit qasırğasının yaranması ehtimalı 5%-dən aşağı qiymətləndirilir.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.