14-15 sentyabr 2019-cu il tarixlərində Azərbaycan Milli Dram Teatrında "İnsan Kainat" mövzusunda populyar elmi konfrans keçirilib.

"İnsandakı Kainat - Kainatdakı insan" başlığı altında böyük marağa səbəb olan konfransda 500-dən çox gənc iştirak edib.

Konfransın məqsədi, insan bədəninin molekulyar əsaslarını, zehnini, Kainatla bağlılığığı araşdırmaq, insanın Kainatdakı yerinə və Elm dünyasının son illərdə qət etdiyi yola nəzər salmaq olub.

Şamaxı Astrofizika Rəsədxanasının “Ulduz atmosferləri fizikası və maqnetizm” şöbəsinin müdiri, dosent, f.r.e.n. C.N.Rüstəmov konfransda Böyük Partlayış, ulduzların təkamülü, yerdənkənar sivilizasiyalar barədə məruzə ilə çıxış edib.

Dinləyicilər tərəfindən maraqla qarşılanan məruzənin sonunda mövzu ilə bağlı suallar cavablandırılıb.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.