Avqust ayının 22-də AMEA N.Tusi adına Şamaxı Astrofizika Rəsədxanasında (ŞAR) növbəti astroseminar keçirilib.

Seminarın rəhbəri, f-r.ü.f.d Bayram Rüstəmov seminarı giriş sözü ilə açaraq, tədbir iştirakçılarına məruzənin mövzusu haqqında ətraflı məlumat verib.

Daha sonra seminarda ŞAR-ın “Ulduz atmosferləri fizikası və maqnetizm” şöbəsinin böyük elmi işçisi, Xəlilov Vaqif "ŞAR-da açıq müşahidə gecələrinin sayına təsir edən mümkün amillər" mövzusunda məruzə ilə çıxış edib.

Mərizəçi qeyd edib ki, 2004-2018-ci illər ərzində açıq gecələrin sayı 2,8 illik dəyişmələr göstərir. Açıq gecələrin sayının Günəşin 11,2 illik dövrü fəallığı ilə müqayisəsi aparılıb və onlar arasında asılılığın olmadığı (korelyasiya əmsalı 0,23) qənaitinə gəlinib. Göstərilən nəticə Günəş fəallığının bu dövrdə zəif olması ilə izah oluna bilər. Açıq gecələrin sayının Ayın fazaları arasında asılılığı məsələsinə də baxılıb mümkün təsiredici amillər diqqətə çatdırılıb.

Sonda mövzu ətrafında geniş müzakirələr aparılıb, suallar cavablandırılıb.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.