AMEA N.Tusi adına Şamaxı Astrofizika Rəsədxanasının “Qoşa ulduzlar və eruptiv proseslər” şobəsinin elmi işçisi Məmmədova Səbinə Oleqovna 15-30 iyul 2019-cu il tarixlərində Avropa Birliyinin Tədqiqat və İnnovasiya proqramı olan “HORIZON-2020” ilə maliyyələşdirilən 823734 nömrəli “Ekstremal massiv ulduzların fizikası” adlı “Mariya-Sklodovskaya-Küri” qrant

layihəsi çərçivəsində Çexiya Respublikası EA Astronomiya İnstitutunda elmi ezamiyyətdə olub.

Ezamiyyət müddəti ərzində o, Astronomiya İnstitutunun 2 metrlik teleskopunda müşahidələrdə iştirak edib, alınmış spektrlərin işlənməsi metodikası ilə, eləcə də spektrlərin təhlilində istifadə olunan proqramlarla tanış olub.

Səbinə Məmmədova Astronomiya İnstitutunun Ulduz şöbəsində “UX Ori tipli WW Vul ulduzunun spektral və fotometrik xüsusiyyətləri” mövzusunda məruzə ilə çıxış edib.

Astronomiya İnstitunun Astrofizika kafedrası ilə gələcəkdə ortaq elmi tədqiqat işləri aparmaq istiqamətində mümkün variantlar müzakirə olunub.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.