“Spektr-RQ” (Spektr-Rentgen-Qamma) rus-alman kosmik missiyası 13 iyul 2019-cu il, yerli  vaxtla saat 14:31-də (Bakı vaxtı ilə 15:31-də) Baykanur kosmodromun meydançasından start götürüb. Bu kosmik gəmidə Maks Plank Cəmiyyəti Yerdənkənar Fizika İnstitunun rəhbərliyi və Alman Aviasiya və Kosmonavtika Mərkəzinin dəstəyi ilə alman institutları birliyinin hazırladığı  eROSİTA rentgen   teleskopu quraşdırılıb. eROSİTA teleskopu Yerdən  1,5 milyon kilometr uzaqlıqda yerləşərək, yaxın 4 il müddətində səmanın geniş (“yumşaq” və “sərt”) rentgen diapozonunda müşahidəsini aparacaq. Bu da səmanın dərin rentgen təsvirini almağa imkan verəcək.

"eROSİTA" teleskopu, həmçinin tərkibinə Rusiyanın ART-XC teleskopu da daxil olan rus-alman “SPEKTR-RQ” missiyasının bir hissəsidir. Dörd il müddətində eROSİTA teleskopunun rentgen diapazonda şüalanan 100 000 qalaktika toplusunu, qalaktikaların mərkəzlərində bir neçə milyon qara dəlik və izolə olunmuş neytron ulduzlar kimi bir çox nadir obyektləri aşkar edə biləcək.

“eROSİTA teleskopunun əsas elmi məqsədi Kainatın quruluşunun böyük ölçüləri və zaman keçdikcə bu strukturda olan təkamül haqqında biliklər almaqdır. Bu isə öz növbəsində bizim kainatı “itələyən” sirli “qara enerji”nin  xüsusiyyətlərinin izah olunmasına kömək edəcək” - deyə Maks Plank Cəmiyyəti Yerdənkənar Fizika İnstitunundan eROSİTA layihəsi üzrə rəhbər Andres Merloni açıqlama verib. O, qeyd edib ki, qazla dolmuş bu strukturu formalaşdıran milyon Kelvin və daha yüksək temperatura malik qalaktika topalarının müşahidəsi üçün rentgen teleskopu çox zəruridir.

Mənbə: https://www.astronews.ru/cgi-bin/mng.cgi?page=news&news=20190716180221

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.