Kosmik hava durumu – Günəş fəallığı çox aşağı səviyyədə olmuşdur. Günəş diski ləkəsizdir. Lakin N05W17 yaxınlığında ləkənin inkişafını mümkün edə bilən sahə yaranmaqdadır. Koronoqraf görüntülərində Yerə doğru yönələn digər CME (Coronal Mass Ejections – Tac kütlə atılması) müşahidə olunmamışdır.

2 MeV-dən çox enerjili elektron seli hesabat dövrü ərzində normal səviyyədə olmuşdur, 21 iyul/17.50 UTC-də özünün 1,300  pfu maksimal qiymətinə çatmışdır. 10 MeV-dən çox enerjili proton seli bütün hesabat dövrü ərzində fon səviyyəsində stabil qalmışdır.

ACE kosmik aparatənın ölçmələrinə görə hesabat dövründə Günəş küləyi parametrlərində sakit rejimə uyğun qiymətlər müşahidə olunmuşdur. Günəş küləyinin sürəti 300-360 km/san intervalında dəyişmişdir. Ümumi maqnit sahəsi 2-9 nT intervalında olmuşdur. B_z komponenti +5 / -4 nT diapazonunda dəyişmişdir. Phi bucağı hesabat dövrü ərzində 21 iyul/06.30 UTC-ə qədər müsbət sektorda qərarlaşmış, sonra isə sektorlar arasında yerini dəyişmişdir.

Geomaqnit sahə, son 24 saat ərzində ümumən çox sakitdir (Kp=2, 3).

Kosmik hava proqnozu – Proqnoz dövründə (22 - 24 iyul) Günəş fəallığı çox aşağı səviyyədə qalacaq.

2 MeV-dən çox enerjili elektron selinin proqnoz dövründə (22 - 24 iyul) nominal səviyyədə qalacağı proqnozlaşdırılır. 10 MeV-dən çox enerjili proton selinin proqnoz dövründə (22 - 24 iyul) fon səviyyələrində davam etməsi gözlənilir.

Proqnoz dövründə (22 - 24 iyul) Günəş küləyi parametrlərinin ümumən sakit rejimə uyğun olacağı proqnozlaşdırılır.

Proqnoz dövründə (22 - 24 iyul) ümumən sakitlik (Kp=2, 3) proqnozlaşdırılır. Maqnit qasırğasının yaranması ehtimalı 22 iyulda 1%-dən, 23 və 24 iyulda isə 5%-dən aşağı qiymətləndirilir.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.