Kosmik hava durumu – Günəş fəallığı çox aşağı səviyyədə olmuşdur. Günəş diski ləkəsizdir. Koronoqraf görüntülərində Yerə doğru yönələn digər CME (Coronal Mass Ejections – Tac kütlə atılması) müşahidə olunmamışdır.
2 MeV-dən çox enerjili elektron seli hesabat dövrü ərzində normal səviyyədə olmuşdur, 17 iyul/18.05 UTC-də özünün 1,640 pfu maksimal qiymətinə çatmışdır. 10 MeV-dən çox enerjili proton seli bütün hesabat dövrü ərzində fon səviyyəsində stabil qalmışdır.
Hesabat dövründə Günəş küləyi parametrlərində sakit rejimənisbətən azacıq güclənmə müşahidə olunmuşdur. Günəş küləyinin sürəti hesabat dövrünün başlanğıcında 450-500 km/san intervalında dəyişmiş, dövrün sonunda isə ortalama 425 km/san-yə enmişdir. Ümumi maqnit sahəsi 4-6 nT intervalında olmuşdur. Bz komponenti üçün zəif kənaraçıxma qeydə alınmışdır. Phi bucağı hesabat dövrü ərzində sektorlar arasında yerini dəyişmiş, 17 iyul/07.30 UTC-dən etibarən əsasən müsbət sektorda qərarlaşmışdır.
Geomaqnit sahə, son 24 saat ərzində ümumən çox sakitdir (Kp=2, 3).
Kosmik hava proqnozu – Proqnoz dövründə (18 - 20 iyul) Günəş fəallığı çox aşağı səviyyədə qalacaq.
2 MeV-dən çox enerjili elektron selinin proqnoz dövründə (18 - 20 iyul) azacıq yüksələcəyi proqnozlaşdırılır. 10 MeV-dən çox enerjili proton selinin proqnoz dövründə (18 - 20 iyul) fon səviyyələrində davam etməsi gözlənilir.
Proqnoz dövründə (18 - 20 iyul) Günəş küləyi parametrlərinin ümumən sakit rejimə uyğun olacağı proqnozlaşdırılsa da CH HSS effektinin (Coronal Hole High Speed Streams – Tac dəliyindən çıxan yüksək sürətli axınlar) təsiri hesabına fasilələrlə azacıq güclənəcəyi də istisna edilmir.
Proqnoz dövründə ümumən sakitlik (Kp=2, 3) proqnozlaşdırılır. Günəş küləyinin azacıq güclənməsi də fasilələrlə geomaqnit sahədə zəif həyəcanlaşmalar yarada bilər. Maqnit qasırğasının yaranması ehtimalı 18 və 19 iyulda 5%-dən, 20 iyulda isə 1%-dən aşağı qiymətləndirilir.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
