Səthi buzla örtülmüş Saturnun "Enselad peyki"nin dərinliyində böyük okean gizlənir. NASA–nın Qoddarda Kosmik Uçuşlar Mərkəzində, Mark Nevyenin (Mark Neveu) rəhbərliyi altında təqdqiqatçılar qrupunun məlumatına görə bu okeanın yaşı təqribən bir millyard il təşkil edir və həmin müddət okeanda həyatın inkişafı üçün zəruri vaxta ideal uyğun gəlir.
Nevye və onun əməkdaşları tərtib etdikləri kompüter modelləşməsi vasitəsi ilə 13 il ərzində Saturn ətrafında orbitdə olan NASA-nın Cassini kosmik apparatının köməyi ilə toplanmış məlumat əsasında Enselad (şəkil 1) peykinin yaşını hesablamışlar.
Cassini aparatıının köməyi ilə edilmiş böyük kəşflərdən biri Enseladda hidrotermal mənbələrə malik okeanın kəşf olunmasıdır. “Enseladda bu gün okeanın mövcudluğu bizim üçün böyük sürpriz oldu – Nevye deyir. Bu peyk kiçik ölçülərə malikdir, buna görə ümumi halda gözləyirsiniz ki, o, özlüyündə heç bir həyat olmayan buz və daş parçası olacaqdır”.
Enseladda tapılan okeanın yaşı orada həyatın mövcudluğu üçün böyük əhəmiyyətə malikdir. Mürəkkəb bioloji molekullar nisbətən sadə komponentlərdən kimyəvi reaksiyaların gedişində əmələ gəlir.
Lakin istənilən kimyəvi çevrilmə üçün müəyyən zaman müddəti tələb olunur. Əgər Enselad peyki çox cavan olarsa, həyatın yaranmasına gətirən reaksiyaların gedişi üçün tələb olunan zaman həqiqətən kifayət etməzdi. Müəlliflər izah edir ki, əksinə, Saturnun peykindəki okeanın yaşı həddindən böyükdürsə, onda bütün reaksiyalar tarazlıq halına çata bilməz və bu halda həyatın mövcudluğu yenə qeyri mümkün olardı.
Radius: 252,1 км
Dolanma periodu: 33 saat
Ölçüsü: 513.2×502.8×496.6 км
Kütləsi: (1,080 22 ± 0,001 01)⋅1020 kq;
(1,8×10−5 Yer kütləsi)
Tədqiqatın nəticəsi Nevye tərəfindən 24 iyun 2019-cu il tarixdə astrobiologiya ilə bağlı konferensiyada təqdim edilmişdir.
Mənbə: https://www.astronews.ru/cgi-bin/mng.cgi?page=news&news=20190707091639
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
