Yay – turizm mövsümüdür. O cümlədən bu gün "kosmik turist" - 2008 KV2 asteroidinin Yer ətrafına daxil olması gözlənilir. Adıçəkilən asteroidin ölçüsü üç futbol meydançası qədərdir.

Burada istifadə olunan planetin “ətrafı” termini - 2008 KV2 məlum kosmik obyektinin Yerdən 6,7 million kilometr məsafədən keçəcəyini bildirir. Belə böyük ölçüdə kosmik daşların Yerə yaxınlaşması tez-tez baş vermədiyi üçün bu “kosmik qonağın” bizdən kifayət qədər uzaq məsafədən keçməsinə baxmayaraq, hadisə həddindən artıq diqqətəlayiq olacaqdır.

Obyektlə yer arasında olan məsafəni daha yaxşı təsəvvür etmək üçün müqayisə edək: 2008 KV2 obyektinə qədər olan məsafə Ayla Yer arasındakı məsafədən (384000 km) 17 dəfə böyükdür. 

Alimlər bu asteroidi 2008-ci ildə kəşf etmiş və onun Yer atrafında görünmə tezliyini hesablamışlar: həmin dövrdə olan hesablamalara əsasən asteroid bizim planetin ətrafında 1900-cu il ilə 2199-cu illər arasında görünməli idi. Lakin sonradan məlun olduğu kimi 2008 KV2 asteroidi bizdə - Yer ətrafında  daha tez tez görünməyə başladı. ABŞ, NASA-nın Reaktiv Hərəkət Laboratoriyasının bildirdiyinə görə 2008 KV2 asteroidi bu gün - 27 iyun 2019-cu il tarixindən sonra Yer yaxınlığından 2021-ci ildə və 2022-ci ildə iki dəfə keçəcəkdir.

Nasa Reaktiv Hərəkətlər Laboratoriyasının verdiyi məlumata görə 2008 KV2 asteroidi böyük ölçülərinə və yerə yaxın olmasına görə “potensial təhlükəli asteroidlər” kateqoriyasına aiddir. O bizim planetin yaxınlığından çox böyük sürətlə - saatda 40800 kilometr sürətlə keçəcək və 30 iyun asteroidlər gününü qeyd etdiyimiz zaman isə asteroid Yerdən artıq çox uzaq olacaqdır.

Mənbə: https://www.astronews.ru/cgi-bin/mng.cgi?page=news&news=20190627031312

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.