Yay fəsli iyun ayının 21-də saat 19:54-də ölkəyə və şimal yarım kürəsinə daxil olacaq. Buna həm də yay Günəş duruşu hadisəsi deyilir. Yəni, Yerin fırlanma oxu Günəş istiqaməti ilə ən kiçik bucaq əmələ gətirir və ya Günəş həmin an üfüqdən maksimum hündürlükdə olur.  Bu zaman ən qısa gecə və ən uzun gündüz olur. Bakı üçün günün uzunluğu 15 saat 04 dəqiqə olacaq.

Bununla da yaz fəsli yay ilə əvəz olunacaq. Xatırladaq ki, yaz fəsli ölkəmizə martın 21-i gecə saat 01:58-də daxil olmuşdu.

Qeyd edək ki, yay fəsli sentyabrın 23-dək davam edəcək. Sentyabrın 23-ü saat 11.50-də Azərbaycanda payız fəsli başlayacaq. Bu halda gecə-gündüz bərabərliyi baş verir. Buna adətən payız bərabərliyi də deyirlər. Bu halda Günəş öz orbiti üzrə hərəkət edərək böyük ekvatoru kəsir və şimal yarım kürəsindən cənub yarımkürəsinə keçir.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.