İyun ayının 7-də, AMEA N.Tusi adına Şamaxı Astrofizika Rəsədxanasında növbəti astroseminar keçirilib.

Seminarın rəhbəri, f-r.ü.f.d Bayram Rüstəmov seminarı giriş sözü ilə açaraq, tədbir iştirakçılarına məruzənin mövzusu haqqında məlumat verib.

Daha sonra rəsədxananın “Kosmik plazma və Heliogeofiziki problemlər” şöbəsinin baş elmi işçisi, dosent Sabir Məmmədov seminar iştirakçılarına "Günəş tacının bəzi problemləri"  mövzusunda məruzəsini təqdim edib.

Məruzəçi qeyd edib ki, Günəş  tacının MHD dalğaları ilə qızdırılması problemi müxtəlif müəlliflər tərəfindən öyrənilmişdir. Məlum olmuşdur ki, müəlliflər tərəfindən hesablanmış enerji sıxlığı selinin miqdarı bir-birindən 4-5 tərtib fərqlənir. Bunun səbəbləri tədqiq edilmiş və göstərilmişdir ki, əsas səbəb müşahidədən dalğalarda hissəciklərin hərəkət sürətlərinin düzgün tapılmamasıdır. 

Maraqla qarşılanan məruzənin yekununda mövzu ətrafında geniş müzakirələr aparılıb və suallar cavablandırılıb.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.