May ayının 15-də, AMEA N.Tusi adına Şamaxı Astrofizika Rəsədxanasında (ŞAR) növbəti astroseminar keçirilib.
Seminarı ŞAR-ın “Qoşa ulduzlar və eruptiv proseslər” şöbəsinin müdiri, f-r.ü.f.d Bayram Rüstəmov açaraq, seminar haqqında tədbir iştirakçılarına məlumat verib.
Daha sonra rəsədxananın “Kosmik plazma və Heliogeofiziki problemlər” şöbəsinin elmi işçisi Mahir Pirquliyev "Günəş-Yer Əlaqələri fizikasının bəzi nəzəri məsələləri" mövzusunda məruzəsini təqdim edib.
Məruzəçi Günəş-Yer əlaqələri fizikasının mühüm problemlərindən olan Günəş neytrinosu problemi haqda seminar iştirakçılarına ətraflı məlumat verib. Seminarda Günəş neytrinosu defisiti probleminin təcrübi və nəzəri yönləri, problemin həlli üçün astrofiziki yanaşma barəsində danışılıb. Həmçinin Şamaxı Astrofizika Rəsədxanasında da müvafiq istiqamətdə aparılan elmi tədqiqat işləri diqqətə çatdırılıb.
Məruzə seminar iştirakçıları tərəfindən maraqla qarşılanıb. Məruzənin sonunda tədbir iştirakçılarını maraqlandıran suallar cavablandırılıb.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
