Günəşdə 2740 fəallıq oblastı stabilliyini saxlamaqdadır. 30 apreldə iki ardıcıl CME-dən sonra 1 mayda da üçüncü CME müşahidə olunmuş, 8 mayda və 11 mayda isə bu oblastdan əvvəlki CME-lərdən fərqli olaraq Tac kütlə atılmasının hissə haləsinin (ing. “halo”) ayrılması baş vermişdir.
Qeyd edək ki, 11 mayda G1 səviyyəli geomaqnit qasırğası baş vermişdir. Qasırğanın baş vermə səbəbi isə 8 may tarixində baş vermiş zəif Tac kütlə atılmasının Yerə çatmasıdır.
11 mayda Günəşdə baş verən CME-yə bağlı plazma buludu SOHO/LASCO C2 koronoqrafında 180 dərəcədən çox bucağı əhatə edir. Aşağıdakı animasiyada bu aydın görünür. Həmin CME kifayət qədər yüksək geoeffektivliyə malik olduğundan atılan halənin Yerə çatma ehtimalı da yüksəkdir. STEREO Ahead koronoqrafının əldə etdiyi görüntü (şəkil 1) də Tac kütlə atılmasının Günəşin Yerə doğru yönələn tərəfində baş verdiyini təsdiq edir.
Şəkil 1 Şəkil 2
Bir şansdır ki, 11 may tarixli Tac kütlə atılmasının da sürəti kifayət qədər aşağı olmuşdur: 350 km/san. Bu sürət Günəş küləyi sürətinə yaxın olduğundan sonuncunu güclü şəkildə həyəcanlaşdıra bilmir. Bu onu göstərir ki, bu CME-nin Yerə çatması hadisəsi təxminən 15 may günün ikinci yarısına təsadüf edəcək. Belə aşağı sürətli hissə Tac kütlə atılmalarının maqnit qasırğası yaratma ehtimalı adətən aşağı, yəni 30% olaraq qiymətləndirilir. Yuxarı enlik dairələrində yaşayanlar isə qaranlıq səmada əsrarəngiz avrora mənzərəsinin şahidi ola bilərlər. O vaxta qədər isə geomaqnit sahə sakit külək rejiminin təsiri altında ümumən sakit qalacaq.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
