Aprelin 25-də AMEA N.Tusi adına Şamaxı Astrofizika Rəsədxanasında Elmi Şuranın növbəti iclası keçirilib.

İclası elmi şuranın sədri, AMEA-nın müxbir üzvü Namiq Cəlilov açaraq, gündəlikdə duran məsələlər barədə şura üzvlərinə ətraflı məlumat verib.

Sonra ŞAR əməkdaşlarına orta məktəblərdə "Elmin kütləviləşdirilməsi" sahəsində göstərdikləri uğurlu fəaliyyətlə əlaqədar "Təşəkkürnamə"lər təqdim edilib.

İclasda ŞAR-ın fəlsəfə doktoru hazırlığı üzrə doktorantlarının illik hesabatı dinlənilib.

Şamaxı Astrofizika Rəsədxanasında elmi işçi vəzifələrinə elan edilmiş vakansiyalara seçkilər keçirilib.

Daha sonra ŞAR əməkdaşlarının nəzərdə tutulan ezamiyyələri ilə bağlı qərar qəbul edilib.

Sonda cari məsələlər müzakirə olunub.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.