Aprel ayının 17-də, AMEA N.Tusi adına Şamaxı Astrofizika Rəsədxanasında növbəti astroseminar keçirilib.

Seminarı Şamaxı Astrofizika Rəsədxanasının "Qoşa ulduzlar və eruptiv proseslər" şöbəsinin müdiri, f-r.ü.f.d Bayram Rüstəmov açaraq, seminar haqqında tədbir iştirakçılarına məlumat verib.

Daha sonra rəsədxananın “Ulduz atmosferləri fizikası və maqnetizm” şöbəsinin müdiri, f-r.ü.f.d Canməmməd Rüstəmov "Qara Dəliyin ilk şəkli"  mövzusunda məruzəsini təqdim edib.

Məruzəçi hal-hazırda bütün dünyada geniş müzakirə olunan 8 radioteleskopdan istifadə edilərək çəkilmiş şəkil barədə ətraflı məlumat verib.

Seminarda Qara dəliklərin əmələ gəlməsi haqqında müasir təsəvvürlər geniş şərh edilib. Qara dəliklərin çəkilmiş şəklinin müasir astrofizikada hansı problemlərin həlli üçün vacib olması aydınlaşdırılıb və qeyd olunub ki, bu hadisə A.Eynşteynin ümumi nisbilik nəzəriyyəsinin növbəti qələbəsidir.

Məruzə seminar iştirakçıları tərəfindən maraqla qarşılanıb, mövzu ətrafında müzakirələr aparılıb, suallar cavablandırılıb.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.