Fevralın 20-də AMEA N.Tusi adına Şamaxı Astrofizika Rəsədxanasında növbəti astroseminar keçirilib.

Rəsədxananın Bakı bölməsində baş tutan tədbiri giriş sözü ilə açan Şamaxı Astrofizika Rəsədxanasının direktoru, AMEA-nın müxbir üzvü N.Cəlilov seminar haqqında tədbir iştirakçılarına məlumat verib.

Sonra “HORIZON 2020” qrant layihəsi çərçivəsində Çexiya Elmlər Akademiyasının Ondrjeуev Rəsədxanasının əməkdaşı Olqa Mareva  "Təkamülün son mərhələsində olan massiv ulduzların ətrafında olan dumanlıqlar" mövzusunda məruzəsini təqdim edib. Məruzəçi müxtəlif kütləli massiv ulduzlarının təkamül xüsusiyyətləri, yüksək işıqlıqlı mavi dəyişənlər, Volf-Raye ulduzları və bu ulduzların ətrafında dumanlıqların formalaşması mexanizmi barədə ətraflı məlumat verib.

Məruzə tədbir iştirakçıları tərəfindən maraqla qarşılanıb, mövzu ətrafında müzakirələr aparılıb, suallar cavablandırılıb.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.