Dekabrın 5-də AMEA N.Tusi adına Şamaxı Astrofizika Rəsədxanasının Bakı bölməsində növbəti astroseminar keçirilib.

Tədbiri giriş sözü ilə açan Şamaxı Astrofizika Rəsədxanasının “Qoşa ulduzlar və eruptiv proseslər” şöbəsinin müdiri, fizika-riyaziyyat üzrə fəlsəfə doktoru Bayram Rüstəmov seminar haqqında məlumat verib.

Sonra rəsədxananın “Ulduz atmosferləri fizikası və maqnetizm”şöbəsinin elmi işçisi, fizika-riyaziyyat üzrə fəlsəfə doktoru Zahir Səmədov "HR 8718 ulduzunun atmosferinin tədqiqi" (Z.A.Səmədov, Ü.R.Qədirova, S.Ş.Quliyeva) mövzusunda məruzəsini təqdim edib.

Məruzəçi bildirib ki, müşahidə əsasında ulduzu xarakterizə edən bəzi fotometrik və spektral parametrlər nəzəri hesablanmış, alınmış qiymətlərin və parallaksın tətbiqi əsasında HR 8717 ulduzunun effektiv temperaturu və səthindəki ağırlıq qüvvəsinin təcili təyin edilmişdir. Bundan başqa ulduzun atmosferində dəmir elementinin miqdarı hesablanmış və Günəşdəki miqdarla müqayisə edilmişdir...

Məruzə tədbir iştirakçıları tərəfindən maraqla qarşılanıb, mövzu ətrafında müzakirələr aparılıb, suallar cavablandırılıb.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.