Kosmik hava durumu - Günəş fəallığı çox aşağı səviyyədə olmuşdur. S05W38, Cro/beta oblastında nisbətən fəallaşma olsa da, effektiv təsirə malik deyil. Əldə olunan peyk görüntülərində Yerə doğru yönələn CME (Coronal Mass Ejections-Tac Kütlə Atılmaları) müşahidə olunmayıb.

2 MeV-dən çox enerjili elektron seli hesabat dövrü ərzində normal səviyyədə olmuşdur. 10 MeV-dən çox enerjili proton seli bütün hesabat dövrü ərzində fon səviyyəsində stabil qalmışdır.

Günəş küləyi parametrlərinin periodun başlanğıcında əvvəlcə azacıq güclənməsi, sonra nominal şəraitə tendensiyası, qərb kənarı ətrafında fırlanan müsbət qütblü CH HSS (Coronal Hole High Speed Streams-Tac Dəlikdən çıxan Yüksək Sürətli Axınlar) effektinin təsiri azalmağa doğru gedir.

Geomaqnit sahə, son 24 saat ərzində nisbi sakit olmuşdur.

Kosmik hava proqnozu – Günəş fəallığının növbəti üç gün ərzində (06-08 dekabr) çox aşağı səviyyədə davam edəcəyi gözlənilir.

2 MeV-dən çox enerjili electron selinin proqnoz dövründə (06-08 dekabr) CH HSS effektinin təsirindən yüksək səviyyəyə qalxacağı gözlənilir. 10 MeV-dən çox enerjili proton selinin proqnoz dövründə (06-08 dekabr) fon səviyyələrində davam etməsi gözlənilir.

Bütün proqnoz tarixlərində (06-08 dekabr) CH HSS effektinin zəif təsirindən Günəş küləyi parametrlərinin də normal şəraitə uyğun olacağı gözlənilir.

Proqnoz dövründə (06-08 dekabr) geomaqnit sahənin bəzi periodlarda kiçik həyəcanlaşmalar istisna olmaqla ümumən sakit olacağı proqnozlaşdırılır.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.