Dekabrın 4-də AMEA N.Tusi adına Şamaxı Astrofizika Rəsədxanasının (ŞAR) Elmi Şurasının hesabat xarakterli növbəti iclası keçirilib.

ŞAR-ın direktoru, AMEA-nın müxbir üzvü Namiq Cəlilov çıxış edərək 2018-ci ildəki elmi və elmi-təşkilati fəaliyyətin yekunlarına həsr olunmuş iclasın gündəliyini tədbir iştirakçılarının diqqətinə çatdırıb. Sonra direktor “Heliosfer və digər kosmik plazma şəraitlərində maqnito-hidrodinamik proseslərin tədqiqi ”mövzusunda, “Kosmik plazma və Heliogeofiziki problemlər”şöbəsinin elmi işçisi Mahir Pirquliyev, "Planetlər və kiçik səma cismləri" şöbəsinin baş elmi işçisi, AMEA-nın müxbir üzvü Əyyub Quliyev, ”Nəzəri Astrofizika və kosmologiya” şöbəsinin aparıcı elmi işçisi, f.-r.ü.f.d. Cəsarət Əliyev, "Planetlər və kiçik səma cismləri" şöbəsinin müdiri, f.-r.ü.f.d. Ədalət Ətayi elmi-tədqiqat mövzuları üzrə hesabatla çıxış ediblər.

Qeyd edilib ki, hesabat ili ərzində təsdiq edilmiş mövzular üzrə elmi-tədqiqat işləri aparılıb və müəyyən elmi nəticələr əldə edilib.

Daha sonra hesabatla bağlı suallar cavablandırılıb.

Sonda cari məsələlər müzakirə edilib.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.