Noyabr ayının 11-də Yerdən 38 mln km aralı 2015 TB145 adı ilə qeydə alınmış asteroid keçəcək.
Bu obyekt 10 oktyabr 2015 il tarixində Pan-STARRS rəsədxanasının 1.8 m-lik teleskopu vasitəsi ilə kəşf olunub.
20-ci ulduz ölçüsündə müşahidə olunan astroid “Halloween” bayramı zamanı keçdiyi və insan kəlləsinə oxşadığı üçün qeyri-rəsmi olaraq “Halloween“adı ilə tanınıb.
Qeyd edək ki, asteroidin diametri 600-700 m ətrafındadır. Günəş ətrafı fırlanma periodu 1120,794 gün (3.04 il), öz oxu ətrafında fırlanma dövrü isə 5 saatdır.
Havay arxipelaqında yerləşən Mauna-Kea rəsədxanasının infraqırmızı teleskopu vasitəsi ilə alınmış materiallar əsasında alimlər belə nəticəyə gəliblər ki, bu səma obyekti “ölmüş komet”dir, yəni bütün uçucu maddələrini itirib.
Əlaqəli linklər: www.space.com , https://photojournal.jpl.nasa.gov/jpegMod/PIA20043_modest.jpg
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
