2018-ci tədris ili üçün Mülki müdafiə tədbirlər planına əsasən AMEA Şamaxı Astrofizika Rəsədxanasında (ŞAR) Mülki müdafiə qüvvələrinin xəbərdarlıq və toplanış məşqi keçirilib.
Məşqin keçirilməsində məqsəd xəbərdarlıq sisteminin vəziyyətinin yoxlanılması və mülki müdafiə qüvvələrinin şəxsi heyətinə xəbərdarlıq və toplanış üzrə vərdişlərin aşılanması olub.
Hazırlıq mərhələsində məşqin təşkili və keçirilməsi haqqında ŞAR-ın direktorunun əmri verilmiş, məşqin keçirilmə planı tərtib olunmuş və məşqin keçirilməsi ilə bağlı digər təşkilati tədbirlər görülmüşdür. Məşq iştirakçıları ilə metodiki toplantı keçirilmişdir.
Məşq 19 oktyabr 2018-ci il, saat 10:00-da başlanmış, MM qüvvələrinin şəxsi heyəti tam tərkibdə və vaxtında təyin olunmuş yerə toplanmışdır. Mülki müdafiə qüvvələrinin şəxsi heyətlə komplektləşdirilməsi, tabel əmlakı ilə təchizatı, qoyulmuş tapşırıqlar üzrə nəzəri bilikləri yoxlanılmışdır. Məşq rəhbərinin 19 oktyabr 2018-cı il saat 12:00-da xəbərdarlıq və toplanış məşqinin başa çatması barədə göstərişindən sonra məşq başa çatmışdır. Sonra məşqin nəticələri təhlil olunmuş, aşkar olunan nöqsanların aradan qaldırılması üçün müvafiq tövsiyələr verilmişdir.
Məşq zamanı qarşıya qoyulmuş məqsədə əsasən nail olunmuşdur.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
