Kosmik hava durumu - Günəş aktivliyi çox aşağı səviyyədə olub. Hesabat dövrünün əvvəlində meydana gələn aktivlik oblastı NOAA / SWPC 2717 (S07E29, Axx / alpha) şəklində nömrələnmişdir. Ləkə əmələ gəlməsinə baxmayaraq maqnit qradiyenti və sürüşməsi zəif olmuşdur. Koronoqraf görüntülərində Yerə doğru yönələn CME (Coronal Mass Ejections – Tac Kütlə Atılmaları) müşahidə olunmamışdır.

2 MeV-dən çox enerjili elektron seli və 10 MeV-dən çox enerjili proton seli bütün hesabat dövrü ərzində fon səviyyəsində stabil qalmışdır.

Günəş küləyi parametrləri zəif külək rejiminin üstünlük təşkil etməsini göstərir. Küləyin sürəti 293 km/san-dən qalxmağa başlamış, 01 avqust /13.30 UTC-də zəif rejim üçün xarakterik maksimal qiymətə çatmış və 450 km/san. olmuşdur. Sonradan isə küləyin sürətində tez-tez dəyişiklik olmuş, hesabat dövrünün sonuna yaxın 400 km/san-yə qədər enmişdir. Ümumi maqnit sahəsi 5-9 nT intervalında dəyişmişdir. B_z komponenti zəif dəyişikliyə məruz qalmışdır. Phi bucağı əsasən müsbət sektora doğru yönəlmişdir.

Geomaqnit sahədə son 24 saat ərzində çox sakit olub.

Kosmik hava proqnozu - Günəş aktivliyinin növbəti üç gün ərzində (02-04 avqust) çox aşağı səviyyədə davam edəcəyi gözlənilir. 2717 aktivlik oblastında güclü alışma meydana gəlməsi ehtimalı minimal olaraq qalır.

2 MeV-dən çox enerjili electron selinin proqnoz dövründə (02 – 04 avqust) orta səviyyədə qalacağı gözlənilir. 10 MeV-dən çox enerjili proton selinin proqnoz dövründə (02 – 04 avqust) fon səviyyələrində davam etməsi gözlənilir.

Proqnoz dövründə növbəti ilk iki gün ərzində (02–03 avqust) Günəş küləyi parametrlərinin xırda nizamsızlıqlar istisna olmaqla ümumən normal şəraitə uyğun olacağı gözlənilir. Üçüncü gün isə (04 avqust) mənfi qütblü CH HSS (Coronal Hole High Speed Streams – Tac Dəlikdən çıxan Yüksək Sürətli Axınlar) yaxınlaşması hesabına Günəş küləyi ilə güclənmiş IMF-i (Interplanetary Magnetic Field) – PMS-si (Planetlərarası Maqnit Sahəsi) Yerə döğru eskalasiya olunacaq.

Proqnoz dövründə ilk iki gün (02–03 avqust) geomaqnit sahə üçün ümumən sakit şəraitin hökm sürəcəyi proqnozlaşdırılır. Üçüncü gün (04 avqust) CH HSS-in Yerə yaxınlaşması kiçik həyəcanlanmalar yarada bilər.

https://www.spaceweatherlive.com 

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.