Kosmik hava durumu - Günəşdə aktivlik aşağı səviyyədə olub. Günəş diskində ləkə yoxdur. Günəşin şərq limbindən nömrələnməyən oblastdan B-sinfindən olan zəif alışma müşahidə edilib.
Peyk görüntülərində Yerə doğru yönələn CME (Coronal Mass Ejections–Tac Kütlə Atılmaları) müşahidə olunmayıb.
2 MeV-dən çox enerjili elektron seli orta səviyyədə olub. 10 MeV-dən çox enerjili proton seli isə bütün period ərzində fon səviyyəsində stabil qalıb. Günəş küləyi parametrləri yaxşılaşmaya doğru yavaş-yavaş dəyişərək fon səviyyəsinə düşüb. Son 24 saat ərzində geomaqnit sahə sakitdir.
Kosmik hava proqnozu - Günəş aktivliyinin növbəti üç gün ərzində (09-11 iyul) çox aşağı səviyyədə davam edəcəyini göstərir. Lakin diskin şərq kənarındakı aktiv oblast hesabına C-sinfindən olan alışmanın meydana gələcəyi istisna edilmir.
2 MeV-dən çox enerjili electron selinin proqnoz dövründə (09-11 iyul) normal və orta səviyyədə olacağı gözlənilir. 10 MeV-dən çox enerjili proton selinin proqnoz dövründə (09-11 iyul) fon səviyyələrində davam etməsi gözlənilir.
Proqnoz dövründə növbəti birinci gün ərzində (09 iyul) Günəş küləyi mühitinin fon səviyyəsində qalacağı gözlənilir. Buna səbəb olaraq 05 iyuldan bir neçə DSF hadisəsinin hesabına mühitin fon səviyyəsinə qədər yaxşılaşmasını göstərmək olar. Qeyd edək ki, DSF hadisəsi, yəni “Disappearing Solar Filament” hadisəsi dedikdə Günəş Protuberansının Qəfil İtməsi başa düşülür.
Proqnoz dövründə birinci gün (09 iyul) geomaqnit sahənin ümumən sakit olacağı gözlənilsə də, 05 iyuldan etibarən yuxarıda adı keçən DSF hadisəsi ilə əlaqədar olaraq bəzi vaxtlarda həyəcanlanmış olacağı istisna edilmir. İkinci gün (10 iyul) də CME təsiri hesabına həyəcanlanma davam etsə də, üçüncü gün (11 iyul) CME-nin səpilməsi proqnozlaşdırıldığından da sakit vəziyyətə dönəcəyi gözlənilir.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
