Kosmik hava durumu - Günəşdə aktivlik çox aşağı səviyyədə olub. 2715 (N07W74) aktivlik oblastı tam parçalanmış şəkildədir. Mövcud koronoqraf təsvirlərində Yerə doğru yönələn CME (Coronal Mass Ejections – Tac Kütlə Atılmaları) müşahidə olunmayıb.

2 MeV-dən çox enerjili elektron seli, 27 iyun /20.45 UTC-də özünün 3,942 pfu-ya bərabər maksimal qiymətinə çatmış və normal və yüksək səviyyələrdə olub. 10 MeV-dən çox enerjili proton seli isə bütün period ərzində fon səviyyəsində qalıb.

Günəş küləyi parametrləri, CH HSS (Coronal Hole High Speed Streams - Tac Dəliyindən Yüksək Sürətli Axınlar) effektinin zəifləməsindən, lakin hələ davam etdiyindən xəbər verir. IMF (Interplanetary Magnetic Field – Planetlərarası Maqnit Sahəsi) 4-5 nT qiymətinə qədər azalıb. Maqnit sahəsinin B_z komponenti dəyişkən olmuşdur. Günəş küləyinin sürəti 625 km/san-dən təxminən 540 km/san-yə qədər azalıb. Phi bucağı əsasən müsbət oblasta doğru yönəlib.

Son 24 saat ərzində geomaqnit sahə sakit olub.

Kosmik hava proqnozu - Günəş aktivliyinin növbəti üç gün ərzində (28-30 iyun) görünən Günəş diskində aktiv oblastların olmaması səbəbindən çox aşağı səviyyədə davam edəcəyi gözlənilir.

CH HSS effektinin təsiri davam etdiyindən 2 MeV-dən çox enerjili electron selinin proqnoz dövründə (28-30 iyun) yüksək olacağı gözlənilir. 10 MeV-dən çox enerjili proton selinin proqnoz dövründə (28-30 iyun) fon səviyyələrində davam etməsi gözlənilir.

Proqnoz dövrünün birinci və ikinci günü (28-29 iyun) CH HSS effektinin təsirindən sürətli Günəş küləyi rejiminin davam edəcəyi ehtimal olunsa da, novbəti üçüncü gün (29 iyun) isə Tac Dəliyi (CH – Coronal Hole) geoeffektiv (Yer üçün təhlükəsiz) vəziyyət aldığından Günəş küləyi sürətinin təxminən 450 km/san qiymətinə qədər azalacağı gözlənilir.

Proqnoz dövrünün birinci günü (28 iyun) IMF gücünün azalması səbəbindən planetimizdə G1 Minor qasırğa səviyyəsinə uyğun şəraitin yarana biləcəyi ümumən gözlənilməsə də, CH HSS effekti davam etdiyindən bəzi vaxtlarda özünü biruzə verə biləcəyi istisna edilmir. İkinci və üçüncü proqnoz günü (29-30 iyun) geomaqnit sahə əsasən sakit olacaq.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.