Kosmik hava durumu - Günəş aktivliyi çox aşağı səviyyədədir. Günəş diski ləkəsizdir. Mövcud koronoqraf təsvirlərində Yerə doğru yönələn CME müşahidə olunmayıb.
2 MeV-dən çox enerjili elektron seli hesabat dövründə 11/1945 UTC -də, özünün 1.840 pfu pik qiymətinə bərabər yüksək səviyyəsinə çatıb. 10 MeV-dən çox enerjili proton seli də bütün period ərzində fon səviyyəsində qalıb.
Günəş küləyi parametrləri normal şəraitin davam etdiyini göstərir. Günəş küləyi sürəti 300 km/san ətrafında dəyişir. Hesabat dövrü ərzində, ümumi maqnit sahəsi 5 nT-dan aşağı olub. Phi bucağı günün birinci yarısı əsasən mənfi sektorda olsa da ikinci yarısı müsbət sektorda olub. Geomaqnit sahə sakit olaraq qalır.
Kosmik hava proqnozu - Günəş aktivliyinin növbəti üç gün ərzində (12-14 iyun) çox aşağı səviyyədə davam etməsi gözlənilir.
2 MeV-dən çox enerjili electron selinin birinci proqnoz günündə (12 iyun) yüksələcəyi gözlənilsə də, növbəti iki gün (13-14 iyun) üçün yenidən orta səviyyələrə düşəcəyi ehtimal olunur. 10 MeV-dən çox enerjili proton selinin isə proqnoz dövründə fon səviyyələrində davam etməsi gözlənilir.
Proqnoz dövrünün ilk iki günü (12-13 iyun) Günəş küləyi mühitində mənfi qütblülüyə malik CH HSS (Coronal Hole High Speed Streams - Tac Dəliyindən Yüksək Sürətli Axınlar) effektinin zəif də olsa təsirinin hiss olunmasına baxmayaraq, üçüncü günü (14 iyun) şəraitin yenidən fon səviyyəsinə qayıdacağı gözlənilir...
Proqnoz dövrünün birinci gününün əvvəlində (12 iyun) geomaqnit sahə sakit olsa da günün sonuna yaxın CH HSS-in zəif təsiri səbəbindən nisbətən nizamsız həyəcanlanmalara məruz qala bilər. Növbəti ikinci gün də (13 iyun) bu şəkildə başlaya bilər, üçüncü gün isə (14 iyun) Günəş küləyinin normal parametrlərə yaxın mühiti fonunda əsasən sakit olacağı gözlənilir.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
